預約政策

• 預約需要最少提早24小時。

• 如情況許可(見"2. 更改預約政策")，我地會儘量配合任何更改預約既要求。

更改預約政策

• 48個鐘或之前通知就可以無條件更改預約。

• 如果咁唔好彩落雨或者掛8號風球(或以上)，我地接受更改預約。

• 唔好意思我地唔接受48個鐘之內更改預約既申請，除左有充份理由 (見"8. 武漢肺炎 (又名「新冠肺炎」)")

活動開始前

• 每位參加者都需要係活動開始前填寫及簽署一份電子免責聲明。

拍照

• 我地有機會用活動入面拍攝既相作為宣傳之用。如果參加者唔想比我地影到，可以係活動開始前話比我地知。

安全守則

• 活動會係唔同既室外環境進行，當中牽涉唔同既危險同風險。我地既團隊會儘我地最大既努力，係舉行活動既同時為參加者提供最安全既環境。我地亦都希望參加者可以遵從所有安全指引，同埋遵守我地現場教練或者團隊人員比既指示。

唔守規矩既行為​​​

• 任何打斷/擾亂活動進行既行為，或者任何形式既騷擾行為，都可能令到唔守規矩既參加者被逐離場。任何因為唔守規矩既行為而導致既財物損失都會由作出該行為既人承擔。

• 參加者唔應該係酒精或藥物影響下進行活動。現場教練有權決定受到酒精或藥物影響既參加者仲可唔可以留低繼續進行活動。如果因為呢個原因而被教練中止繼續參與活動，我地冇辦法提供退款。

個人財物

• 參加者對自己既財物負全權責任。

武漢肺炎 (又名「新冠肺炎」)

• 因應武肺肆虐，我地採取左以下既措施去保障參加者，教練，以及我地團隊人員既健康。 

• 參加者需要確認佢地係過去14日內冇離開過香港。

• 參加者需要確認佢地本人，以及佢地住居住既單位、大廈、屋苑、屋邨，係過去14日內都冇任何武肺確診個案。

• 參加者需要確認佢地係過去14日內冇任何發燒徵象。

• 如果參加者因為武漢肺炎而需要係48個鐘之內取消預約，我地會提供更改預約。

​以上條款及細則以英文版本為準。